Білорусь: Асьцярожна: гепатыт

Сёньня колькасьць носьбітаў віруса гепатыту ў сьвеце дасягае 350—500 мільёнаў чалавек, а людзей, у якіх выяўленыя маркеры адной з найбольш цяжкіх формаў гэтага захворваньня — гепатыту С, — 180 мільёнаў чалавек. Гэтая лічба ў дзясяткі разоў перавышае колькасьць ВІЧ-інфікаваных у сьвеце. А паводле прагнозаў адмыслоўцаў, да 2015 ці 2020 году яна нават падвоіцца.

Калі гаварыць пра абсалютныя лічбы, то, паводле афіцыйнай статыстыкі, у Беларусі штогод выяўляюць ад 7 да 10 тысячаў чалавек з рознымі формамі гепатыту. Прыкладна каля 70% зь іх інфікаваныя вірусам гепатыту С. Найчасьцей у Беларусі хварэюць жыхары вялікіх гарадоў ва ўзросьце ад 15 да 60 гадоў.